脫序

廣告、成個社會係咪話你知……行為舉止同其他人唔同、其他人唔明就會係唔正常， 就係病！溝通唔到係病！無名的好開心、無名的好唔開心又係病！呢Ｄ野搞到你番唔到工就係病！九唔搭八不知所謂就繼續不知所謂落去比個病名就可方便理解、食 粒藥就解決灑Ｄ問題。
 
我地講緊既係「精神病／精神障礙」。
 
到底醫生係點樣證明一個人有精神病？會唔會好似個名咁科學，有量化實驗證明「病人」個腦多左或者少左 d 咩物質？個 d 物質又係 d 乜？精神科藥物又有幾科學、會搞到你身體d乜？
係乜都無，d藥係無用的。

而家唔係「你信唔信我地先」，而家唔係講個「信」字，點解你又可以比 錢、比條命、比成個生命的可能你個精神科醫生，而得個信字──而你是感到籠罩著你的問題，龐大、複雜、千絲萬縷卻又失去到來的軌跡而跳入某種狀態、恐懼、 難過、難受、憤怒、無所不在的感性、觸動、挑釁，是整個生命的重量至使你真係頂唔順，跳掣。

真係頂唔順喇。惟有跳制，返到人群當中，睇下聽下講下發生咩事……你會發現：生活有太多唔如意既事、太多解決唔到既問題、太多鮮為人知既一面。你睇 到、你經驗的故事，在你心中的述說方式又會係怎樣、甚麼的人事物關係，佔著怎樣的重量、怎樣佔著呀？
 
諗唔通，有病。
講得通，冇病。
 
彌留狀態曖曖昧昧，
喜怒哀樂人之常情。

 但係，頂唔順係唔係純粹個人問題？係同個社會無關？係由真空中由0變出黎？變左出黎d野，又即刻比d乜野接管！？變出黎又可唔可以係 0.5？0.5係咪可以約化成1？０.5、 0.51、0.511、0.5111又可以點算？係咪都係一樣係「憂鬱症」、「社交恐懼症」？究竟要點理解佢地(我地)？

首先，好肯定的是：唔係將佢稱之為病就會解決，反而掩蓋真正的問題，精神科只係比個假問題你、再比個假的答案你，搞亂個場，食藥食到你抖唔到氣時， 就只會是真亦假時假亦真了！

如果唔係「承認『XX症』、食藥、覆診、頂唔順D藥、再轉藥、轉灑27種」，可以點？係咪只要認為要幫助或同情精神病人就幫到佢地(我 地)？SORRY, 你已經比左個身份佢係精神病人、佢係弱者、佢係有無可彌補的缺憾的人；你係正常的。若果真係承認他們(我們)、若果真的承認跳制(跳開制度去理解)，答案 只會係生活上、社會上，慢慢自己搵出黎──若果果個人沒有錯信精神科／堅強得本來可以輕輕鬆鬆問醫生拎藥，但選擇去面對自己的種種；若果個人係你愛的人。
 
對付精神科，我們的出版方向會強調基層視角：我們堅信基層不單指經濟上的貧窮，「精神病患」一方面被成個社會誤會／烏滅為危害社會安定又唔識得自己好好控 制自己，同時間，強逼聆聽、強逼「治療」，難道這不是醫藥界和社福界的基層？難道精神病病人不是作為「人」的基層嗎？

讓我們拾回被精神科倀民自肥的東西：抓緊我們在社會的重要性和自身的能動力吧！
我們不是代言人， 我們不需代言人，
我們不是將我們歸納成所有人，
我們也不代表其他人， 我們是主體在說話。 

我們會因為各樣種種而跳掣，所以我們會努力看清楚「那些種種、種種」而跳制。

我們所承受的問題的重量，就是我們的力量。

我‧我們‧把握‧直面‧自己‧社會

註一：0.5個比喻

無呀，真空到由0通常會變做1. (即係由無野一個正常人，變到唔識分別佢，)
0可以變做0.5, 0.4. 但0.5係咪就可以約化成1,就係精神病人？…(4捨5入)
係數學1係整數，又係一個概括好多野的數字，我地可以將乜都係話成係1，視乎你以乜野為基數/單位，例如3個橙係一份，做到一杯橙汁，一箱橙24個，有幾多杯橙汁。
但同時，1又可以分成好多野，1份之1，27份之27，100份之100，要幾大有幾大。
但卻又可以變回1，即所有。
0變做1這個約化過程就好似比野frame左咁……


再進一步0.5本身都可以係約化之後的東西，可以係0.51, 0.511, 0.5111,0.51111，無限推出去。




引用資料來源：http://shortpress.wordpress.com/%E9%97%9C%E6%96%BC%E8%B7%B3%E5%88%B6/